1. www.uzbmb.uz saytiga kirib, ILMIY MARKAZ oynasini tanlang.
2. “Bo‘limlar” bo‘limini tanlang.
3. “Malaka oshirish va imtihonlarni tashkil etish bo'limi” bo‘limini tanlang.
4. “Xalqaro imtihonlar” bo‘limini tanlang.
5. “TOEFL ITP” test sinovlari bo‘limini tanlang.
6. Ro'yxatdan o'tish bo'limini tanlang.
7. Sizga qulay viloyat, sanani tanlaysiz va “Mutaxassislik” joyiga mutaxassislik yoziladi. Keyin “Saqlash” tugmasi bosiladi.
8. Shaxsiy kabinetingizga kirish orqali, to‘ldirgan onlayn arizangizni va to‘lov kvitansiyasini yuklab oling va chop eting.
9. To‘lov kvitansiyasida ko'rsatilgan invoice raqamiga onlayn to'lov tizimlari yoki banklar orqali to'lov amalga oshiriladi.

O‘qituvchi biriktirilgan hududga test sinovi boshlanishidan bir soat oldin kelish kerak.

O‘qituvchilar test sinoviga shaxsini tasdiqlovchi hujjat (pasport yoki ID karta va yangi nusxadagi haydovchilik guvohnomasi) asosida kiritiladi. Test sinoviga kechikib kelgan o‘qituvchilar sinovga kiritilmaydi. Belgilangan vaqtda test sinovlariga kelmaganlar uchun qo‘shimcha test sinovlari o‘tkazilmaydi.

Test sinovi o‘tkaziladigan hududga pedagog qo‘llanmalar, lug‘at, jadval, uyali telefon, kompyuter, telekommunikatsiya vositalari va shpargalkalar olib kirishi man etiladi.

Test sinovi jarayonida o‘zaro gaplashish mumkin emas.

Test sinovini o‘tkazish tartibini buzgan o‘qituvchilarga nisbatan dalolatnoma tuzilib, sinovdan chetlashtiriladi.

Test sinovi bir bosqichda: «Tinglab tushunish», «Yozish», «O‘qib tushunish», «Gapirish» bo‘limlari bo‘yicha o‘tkaziladi.

Til bilish darajasi “B1”, “B2” va “C” bo‘lgan, test sinovlaridan muvaffaqiyatli o‘tgan o‘qituvchilarga 2 yil muddatga ega sertifikat taqdim etiladi.