Karimov Madjit Malikovich – 1956-yilda Toshkent shahrida tugilgan. Ma‘lumoti oliy, texnika fanlari doktori, professor.

1979-yil Beruniy nomidagi Toshkent politexnika institutini tamomlagan. Mehnat faoliyatini 1973-yilda Toshkent politexnika instituti laboranti lavozimida boshlagan. Keyinchalik mazkur institutni tamomlab, Toshkent politexnika institutda assistent, katta o‘qituvchi, dotsent, Kompyuter texnologiyalari fakulteti dekani so‘ngra Kompyuter sistemalari va tarmoqlari kafedrasi professori lavozimlarida ishlagan.

2005-2008 yillarda Toshkent axborot texnologiyalari universiteti Kompyuter tizimlari va tarmoqlari kafedrasi professori, universitetning o‘quv ishlari bo‘yicha birinchi prorektori;

2008-2010 yillarda O‘zbekiston Respublikasi Vazirlar Mahkamasi huzuridagi "Fan va texnologiyalarni rivojlantirishni muvofiqlashtirish qo‘mitasi" ijro apparati rahbari;

2010-2012 yillarda O‘zbekiston Respublikasi Oliy va o‘rta maxsus ta‘lim vazirning fan bo‘yicha o‘rinbosari;

2012-yilda Toshkent axborot texnologiyalari universiteti rektori;

2012-2016 yillarda Toshkent davlat texnika universiteti o‘quv ishlari bo‘yicha prorektori, universitet rektori;

2016-yilda O‘zbekiston Respublikasi Bosh vaziri o‘rinbosari;

2016-2017 yillarda O‘zbekiston Respublikasi Oliy va o‘rta maxsus ta‘lim vazirning fan bo‘yicha o‘rinbosari lavozimlarida faoliyat ko‘rsatgan.

O‘zbekiston Respublikasi Prezidentining 2017-yil 27-maydagi PQ-3015-sonli qaroriga muvofiq M.M.Karimov O‘zbekiston Respublikasi Vazirlar Mahkamasi huzuridagi Davlat test markazi direktori lavozimiga tayinlangan.

Bilim va malakalarni baholash agentligining faoliyatiga umumiy rahbarlik qilish, O‘zbekiston Respublikasi Prezidenti, Vazirlar Mahkamasining qarorlari va boshqa qonun hujjatlari bilan Bilim va malakalarni baholash agentligiga yuklangan vazifalar va funksiyalar bajarilishini tashkil etish;

O‘zbekiston Respublikasi Prezidenti va Vazirlar Mahkamasining qarorlari bilan tasdiqlangan Bilim va malakalarni baholash agentligi faoliyatini yanada takomillashtirish bo‘yicha kompleks dasturlar va tadbirlar ijrosini chuqur tahlil qilish;

o‘z o‘rinbosari va Davlat test markazining boshqa mansabdor shaxslari vakolatlarini belgilash, Bilim va malakalarni baholash agentligining tegishli boshqarma, bo‘limlari, Qoraqalpog‘iston Respublikasi va viloyatlardagi bo‘limlari (keyingi o‘rinlarda bo‘linma deb ataladi) mansabdor shaxslarining shaxsiy javobgarligi darajasini belgilash;

Bilim va malakalarni baholash agentligining faoliyatini rejalashtirishni tashkil etish, Bilim va malakalarni baholash agentligining va o‘z o‘rinbosarining ish rejasini tasdiqlash, ularning bajarilishi ustidan nazoratni ta‘minlash;

Bilim va malakalarni baholash agentligi xodimlarining tizimli ravishda malakasini oshirishni tashkil etish;

o‘z o‘rinbosari, bo‘linmalar faoliyatining samaradorligi va natijadorligini tizimli ravishda tanqidiy tahlil qilish, bo‘linmalar ish rejalarini tasdiqlash, hisobotlarini eshitish, ularning yakunlari bo‘yicha zarur chora-tadbirlar ko‘rish;

Bilim va malakalarni baholash agentligi xodimlarini rag‘batlantirish va intizomiy javobgarlikka tortish masalalarini hal qilish, o‘z o‘rinbosarini rag‘batlantirish va intizomiy javobgarlikka tortish, shuningdek, uning egallab turgan lavozimida qolish masalasini ko‘rib chiqish bo‘yicha taklif kiritish, uning shaxsiy javobgarligini oshirish bo‘yicha tizimli chora-tadbirlarni amalga oshirish;

«Korrupsiyaga qarshi kurashish to‘g‘risida»gi O‘zbekiston Respublikasi Qonuni talablariga muvofiq Davlat test markazi tizimida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

Bilim va malakalarni baholash agentligining hamda bo‘linmalarining ishlari zamonaviy shakllarda tashkil etilishini ta‘minlash;

O‘zbekiston Respublikasining «Elektron hukumat to‘g‘risida»gi Qonunini amalga oshirish doirasida zamonaviy axborot-kommunikatsiya texnologiyalaridan foydalangan holda davlat xizmatlarini ko‘rsatish samaradorligini, sifatini va foydalanish imkoniyatini oshirish;

jismoniy va yuridik shaxslarning murojaatlarini ko‘rib chiqishga doir samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, «Jismoniy va yuridik shaxslarning murojaatlari to‘g‘risida»gi O‘zbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Davlat test markazi xodimlari va rahbarlarining faol ishtirok etishini tashkil etish, jismoniy va yuridik shaxslarning O‘zbekiston Respublikasi Prezidenti Virtual qabulxonasidan tushgan murojaatlari o‘z vaqtida va to‘liq ko‘rib chiqilishini ta‘minlash;

Bilim va malakalarni baholash agentligi faoliyatiga umumiy rahbarlik qilish.

Bilim va malakalarni baholash agentligi direktori vaqtincha bo‘lmaganda uning vazifasini tegishli buyruq asosida bajarish;

Bilim va malakalarni baholash agentligining bo‘linmalari faoliyatini muvofiqlashtirish, nazorat qilish va majburiyatlarni xodimlari o‘rtasida taqsimlash;

Bo‘linmalarga yuklangan vazifalar bajarilishini so‘zsiz ta‘minlash chora-tadbirlarini ko‘rish, bo‘linmalar rahbarlarining hisobotlarini eshitish va ushbu vazifalarni sifatli bajarish uchun ularning shaxsiy javobgarligini oshirish;

Bo‘linmalar tomonidan normativ-huquqiy hujjatlar loyihasining sifatli ishlab chiqilishini tashkil etish, Bilim va malakalarni baholash agentligi direktori ko‘rib chiqishi va imzolashi uchun ko‘rib chiqib imzolash, shuningdek, Bilim va malakalarni baholash agentligi direktorining topshirig‘iga muvofiq Vazirlar Mahkamasi ijro apparatida normativ-huquqiy hujjatlarni qayta ishlashda ishtirok etish;

Ta‘lim muassasalariga o‘qishga qabul qilishda test sinovi orqali tanlab olish faoliyati samaradorligini oshirish bo‘yicha Amaliy chora-tadbirlarni belgilash, qonunchilikni takomillashtirish yuzasidan takliflar ishlab chiqish va uni DBilim va malakalarni baholash agentligi direktoriga kiritish;

Jismoniy va yuridik shaxslarning murojaatlarini «Jismoniy va yuridik shaxslarning murojaatlari to‘g‘risida»gi O‘zbekiston Respublikasi Qonunida belgilangan muddatlarda va tartibda ko‘rib chiqish bo‘yicha samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining O‘zbekiston Respublikasi Prezidentining Virtual qabulxonasidan tushgan murojaatlari o‘z vaqtida va to‘laqonli ko‘rib chiqilishini ta‘minlash.