Ingliz tili o‘qituvchilari uchun xalqaro vebinar

Ilg‘or xorijiy tajriba va zamonaviy texnologiyalarni o‘rganish hamda amaliyotga tatbiq etish, shuningdek, xalqaro imtihon tizimlarini respublikamizda joriy etish maqsadida Bilimni baholash agentligi tomonidan xalqaro tashkilotlar bilan hamkorlik yo‘lga qo‘yilmoqda.

Shunday tashkilotlardan biri AQShning Educational Testing Service (ETS) tashkiloti bo‘lib, ushbu tashkilot 1947-yilda tashkil topgan hamda test savollarini tuzish va uni o‘tkazish bo‘yicha dunyodagi eng yirik tashkilotlardan biri hisoblanadi. U har yili 50 milliondan ziyod talagborlar uchun test sinovlarini tashkil qiladi va o‘tkazadi.

2020-yil 16-iyulda Bilimni baholash agentligi va Educational Testing Service (ETS) tashkiloti o‘rtasida TOEFL ITP, TOEIC, TOEFL IBT imtihonlarini hamkorlikda o‘tkazish to‘g‘risida kelishuv imzolangan.

Hozirda ETS tashkiloti tomonidan ingliz tili o‘qituvchilari uchun bir qator vebinarlar yo‘lga qo‘yilgan.

Ushbu vebinarlar TOEFL YSS, TOEFL ITP va TOEIC testlari haqida ko‘proq ma’lumot olishga, ularga tayyorgarlik ko‘rishga hamda metodologiya borasida o‘qituvchilarni qo‘llab-quvvatlashga qaratildi

Vebinar 22-yanvar kuni Toshkent vaqti bilan 16:00 da o‘tkazildi.

 

O‘qituvchilar uchun Aptis testi bo‘yicha vebinar

 2021-yil 9-fevral kuni 18:00 da “O‘qituvchilar uchun Aptis testlari” mavzusida vebinar o‘tkazildi.

Vebinar “Mentor Hub”, Britaniya Kengashi (British Council) va Bilimni baholash agentligi hamkorligida tashkil etildi.

Tadbir quyidagi mavzularni o‘z ichiga oldi:

Umumiy ma’lumotlar;

O‘qituvchilar uchun Aptis testi va uning maqsadi;

O‘qituvchilar uchun Aptis testi, test formati va uning tarkibiy bo‘limlari;

Test sinovi uchun ro‘yxatdan o‘tish;

 TOEFL ITP va TOEIC imtihonlari bo‘yicha vebinar

2022-yil 23-fevral kuni Davlat test markazi tomonidan Educational Testing Service (ETS) Global bilan hamkorlikda TOEFL ITP va TOEIC imtihonlari bo‘yicha vebinar o‘tkazildi.

Unda ETS tashkiloti, TOEFL ITP va TOEIC imtihonlarining yo‘lga qo‘yilishi va ushbu imtihonlarning strukturasi bo‘yicha ma’lumotlar hamda imtihonga tayyorgarlik ko‘rish uchun manbalar va maslahatlar berildi.

TOEFL imtihonlari bo‘yicha xalqaro onlayn konferensiya

2022-yil 30-mart kuni AQShning Educational Testing Service (ETS) tashkiloti tomonidan Davlat test markazi va boshqa tashkilotlar bilan hamkorlikda TOEFL imtihonlari bo‘yicha xalqaro onlayn konferensiya o‘tkazildi.

Qozon federal universiteti tomonidan tashkil etilgan sammitda delegatsiya ishtiroki

 

2022-yil 14-16-noyabr kunlari tashkil etilgan "Современная лингвистика от теории к практике" III Qozon xalqaro lingvistika sammitida agentlikning uch nafar rus tili mutaxassisi ishtirok etdi. Bunda mutaxassislar tomonidan yozilgan maqola taqdim etilib, maqola yuzasidan ijobiy xulosa olindi va sammit doirasida  agentlik faoliyati to‘g‘risida ishtirokchilar uchun taqdimot qilindi.