O‘zbekiston Respublikasi Prezidentining “Ta’lim-tarbiya tizimini yanada takomillashtirishga oid qo‘shimcha chora-tadbirlar to‘g‘risida” 2020-yil 6-noyabrdagi PQ-4884-son qaroriga asosan test sinovi topshiriqlari davlat ta’lim standartlari va o‘quv dasturlari asosida tuziladi, test sinovi materiallarining ma’no-mazmuni umumiy o‘rta ta’lim tizimidagi fanlarning o‘quv dasturlariga moslashtiriladi.

Fanlar bo‘yicha o‘quv dasturlari O‘zbekiston Respublikasi Maktabgacha va maktab ta'limi vazirligi hamda Qoraqalpog‘iston Respublikasi Maktabgacha va maktab ta'limi vazirligi tomonidan taqdim etilgan. Badiiy adabiyotlar va qonunchilik hujjatlari ro‘yxati o‘quv dasturlariga muvofiq shakllantirilgan.

Tarix va geografiya fanlari bo'yicha atlas va yozuvsiz xaritalardan O‘zbekiston Respublikasi Iqtisodiyot va moliya vazirligi huzuridagi Kadastr agentligi tizimidagi "Kartografiya" davlat ilmiy-ishlab chiqarish korxonasining rasmiy veb sayti www.kartografiya.uz orqali foydalanish mumkin.   
Murojaat uchun telefon: +99871 262 53 66.