Joriy yilning 25-avgustidan 15-sentyabr kuniga qadar A.Qodiriy nomidagi Jizzax davlat pedagogika institutida 2021-2022-o‘quv yili uchun Belorussiya Respublikasi bilan hamkorlikda bakalavriat ta’lim yo‘nalishlari bo‘yicha qo‘shma ta’lim dasturlariga qabul amalga oshirilmoqda.

Qo‘shma ta’lim dasturlarining to‘lov kontrakt miqdori A.Qodiriy nomidagi Jizzax davlat pedagogika instituti va qo‘shma ta’lim dasturi doirasida hamkor universitet bilan tuzilgan shartnomada nazarda tutilgan miqdorga asoslangan.

Maksim Tanka nomidagi Belarus davlat pedagogika universiteti bilan hamkorlikda:

Matematika-informatika va Psixologiya ta’lim yo‘nalishlariga (qabul kvotasi har biriga 25 o‘rindan 50 o‘rin). O‘qish muddati 4 yil. (3+1).

Ta’lim tili - rus tili.  To‘lov kontrakt miqdori yiliga 2000 AQSh dollari.

Ushbu qo‘shma ta’lim dasturida ta’lim olishni istaganlar http://qabul.jspi.uz platformada tegishli ma’lumotlar kiritishlari va quyidagi hujjatlarning elektron nusxalarini (skanerlangan, fotosurat emas) PDF  shaklida yuklashlari talab etiladi:

• Attestat yoki diplom, olingan baholar ilovasi bilan (bir PDF fayl);
• Pasport yoki  ID-karta (bir PDF fayl).

Murojaat uchun telefon: +99890 180-32-23.

Haftaning ish kunlari soat 9-00 dan 18-00 gacha murojaat etish mumkin.