2023-yil 26-may kuni “Bilim va malakalarni baholash agentligi xodimlarining etik xulq-atvori qoidalari” mavzusida seminar-trening bo‘lib o‘tdi.

Seminar-treningda Nizomiy nomidagi Toshkent davlat pedagogika universiteti qoshidagi Psixologiya o‘quv-ilmiy markazi mutaxassislari Alimova Feruza Nadjimovna, Agzamova Malika Muratovna, Turabekova Shaxnoza Zamirovna, Sharipova Asal Sarvarovnalardan iborat malakali psixolog-trenerlar guruhi ishtirok etdilar.

Ular tomonidan Bilim va malakalarni baholash agentligi xodimlari uchun “Fuqarolar murojaatlari bilan ishlashda nizoli vaziyatlarni oldini olish” mavzusida mashg‘ulotlar tashkil etildi.

Psixolog-trenerlar tomonidan o‘tkazilgan guruh mashg‘ulotlarida fuqarolar bilan ishlashda turli nizoli vaziyatlarda stress holatlarini yengib o‘tishning psixologik aspektlari bo‘yicha xodimlarning ko‘nikma, bilim va malakalari oshirildi.

Shuningdek, tadbirda Davlat xizmatchisining odob-axloq qoidalari, xodimning o‘z kasbiy faoliyatini amalga oshirish tamoyillari, majburiyatlari, alohida shartlar, odob-axloq qoidalarini buzganlik uchun javobgarlik, xodimlarning o‘z xizmat vazifalarini bajarishda va ishdan tashqari vaqtlarda ham o‘zi ishlayotgan muassasa obro‘siga putur yetadigan holatlarga yo‘l qo‘ymaslik kabi masalalar batafsil yoritildi.