Bugun respublikamizning barcha hududlarida Navro‘z umumxalq bayramini munosib nishonlash hamda Ramazon oyini qarshi olishga tayyorgarlik ko‘rish maqsadida umumxalq xayriya hashari o‘tkazilmoqda.

Hashar O‘zbekiston Respublikasi Vazirlar Mahkamasining tegishli farmoyishi asosida “Obod va fayzli mahalla – yurt ko‘rki” shiori ostida bo‘lib o‘tmoqda.

Shu munosabat bilan Bilimni baholash agentligida ham mehnatni muhofaza qilish va xavfsizlik normalariga qat’iy rioya etgan holda xayriya hashari tashkil etildi.

Unda Bilimni baholash agentligi xodimlari faol ishtirok etib, agentlik hududida obodonlashtirish, ko‘kalamzorlashtirish, shuningdek, yerga ishlov berish, daraxtlarni butash va oqlash hamda ish joylarini tartibga keltirish ishlari amalga oshirildi.

Umumxalq xayriya hasharidan so‘ng osh damlanib, agentlik xodimlari ishtirokida Navro‘z bayrami nishonlandi.