Ma’lumki, Amir Temur hayoti, davlatchilik boshqaruvi, harbiy san’ati hozir ham xalqaro ahamiyatini yo‘qotgan emas. Sho‘rolar davrida buyuk sarkarda haqida bilish, o‘rganish qanchalik man qilingan bo‘lsa, bugungi kunda ushbu masalalarni o‘rganish, jamoatchilikka ma’lum qilish shunchalik dolzarb bo‘lib bormoqda.

Bugun Davlat test markazida shu masalalarga bag‘ishlangan “Amir Temur – Ikkinchi renessans homiysi” mavzusida olimlar ishtirokida uchrashuv bo‘lib o‘tdi. Tadbirda O‘zbekiston Milliy universiteti dotsenti Akbar Zamonov, O‘zbekiston Respublikasi Fanlar akademiyasi Tarix instituti katta ilmiy xodimi Nizomiddin Gulboyev, Davlat test markazi rahbariyati va xodimlari ishtirok etdilar.

Ishtirokchilarda olimlar tomonidan berilgan oxirgi ma’lumotlar, yangiliklar katta qiziqish uyg‘otdi. Buyuk sarkardaning jahon tarixida tutgan o‘rnidan tortib, bugungi kun hayotimizda asqotayotgan o‘lmas merosi, xususan, tartib-tadbirlari, islom diniga, olim-u fuzalolarga, fan va adabiyotga, oilaga bo‘lgan munosabati, hozirga qadar ma’lum bo‘lmagan qirralari faktlar asosida so‘zlab berildi va bular xodimlar olqishiga sazovor bo‘ldi.

Uchrashuv xodimlarda katta qiziqish uyg‘otdi va o‘zlarini qiziqtirgan barcha savollariga javob oldilar.

.

Shu bilan birga qayd etish kerakki, Davlat test markazi xodimlari uchrashuvga qadar Temuriylar tarixi muzeyida bo‘lib, sohibqiron hayotiga oid ma’lumotlar bilan tanishgan edilar. Ushbu tadbirlar buyuk zot haqidagi bilimlarni oshirishga xizmat qildi.

Davlat test markazi matbuot xizmati