Sohaga oid muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish maqsadida Bilimni baholash agentligi tomonidan navbatdagi sayyor qabullar tashkil etildi.

Sayyor qabullar 2023-yil 23-dekabr kuni:

• direktor maslahatchisi Z.Shakarov tomonidan Andijon viloyatida;
• Agentlik huzuridagi Ilmiy-o‘quv amaliy markazi boshlig‘i A.Baratov tomonidan Namangan viloyatida;
• boshqarma boshlig‘i J.Nurmatov tomonidan Sirdaryo viloyatida o‘tkazildi.

Mazkur tadbirlar O‘zbekiston Respublikasi Prezidentining hududlardagi Xalq qabulxonalarida aholi vakillari, yoshlar, maktab bitiruvchilari va ularning ota-onalari uchun tashkil etildi.

Sayyor qabullar davomida Bilimni baholash agentligi faoliyatiga tegishli masalalar bilan murojaat qilgan fuqarolar shaxsan qabul qilinib, ularning savollariga mavjud me’yoriy-huquqiy hujjatlar asosida batafsil javob berildi.

Shuningdek, murojaatchilarning Agentlik faoliyatiga oid fikr-mulohazalari va takliflari o‘rganib chiqish uchun qabul qilindi.