Davlat test markazi tomonidan «“O‘zbekiston Respublikasi Prezidentining 2019 yil 14-maydagi “Oliy ta'lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida” PQ–4319-son va Vazirlar Mahkamasining 2019 yil 13-maydagi “Oliy ta'lim muassasalariga o‘qishga qabul qilishda milliy hamda xalqaro baholash tizimi sertifikatlarini tatbiq qilish to‘g‘risida” 395-son qarorlari hamda shu yil 07-iyundagi 468-son qarori bilan tasdiqlangan “Oliy ta'lim muassasalariga o‘qishga kirish uchun hujjatlarni qabul qilish bo‘yicha davlat xizmatlarini ko‘rsatishning ma'muriy reglamenti”ga muvofiq olib borilayotgan ishlar va tayyorgarlik darajasiga bag‘ishlangan brifing o‘tkazildi.
Anjuman 2019 yil 15- va 17-iyun kunlari soat 12.00 da O‘zbekiston Respublikasi Prezidenti administratsiyasi huzuridagi Axborot va ommaviy kommunikatsiyalar agentiligi binosida tashkil etildi. Unda direktor Karimov Madjit Malikovich, bosh boshqarma boshlig‘i Rajabov Barna Jurakulovich, boshqarma boshlig‘i Qo‘chqarov Diyor Ulug‘bekovich, bosh yuriskonsultant Madraximova Guljahon Ro‘zimboy qizi va barcha turdagi OAV vakillari ishtirok etdilar.
Tadbir davomida mazkur qarorlarga muvofiq test sinovi tizimiga kiritiltgan o‘zgarish va yangiliklar, jumladan, abituriyentlarning Davlat komissiyasi tomonidan belgilangan oliy ta'lim muassasalariga davlat xizmatlari markazlari va Yagona interaktiv davlat xizmatlari portali orqali murojaat qilishi, boshqa OTMlar bo‘yicha barcha OTMlar qabul komissiyalari orqali ro‘yxatdan o‘tish imkoniyati, abituriyentlar to‘g‘risida ma'lumotlarning tegishli axborot bazalariga integratsiyasi, to‘lovni amalga oshirish mexanizmlari, jarayonlarni yanada shaffof va adolatli o‘tkazish maqsadida test sinovlari o‘tkaziladigan binolarga o‘rnatiladigan texnik vositalar, chet tili bo‘yicha milliy va xalqaro baholash institutlari sertifikatlari imtiyozlari, shuningdek, Davlat test markazi tomonidan olib borilayotgan tayyorgarlik ishlari holati to‘g‘risida axborot taqdim etildi.
Tele va radiokanallar, bosma va elektron ommaviy axborot vositalari vakillari, blogerlarning savollariga batafsil javob berildi. Brifing qizg‘in savol-javob ruhida o‘tdi.
Axborot xizmati
