Ma’lumki, Davlat test markazi huzuridagi Ilmiy-o‘quv amaliy markazi tomonidan har oy “O‘qituvchilar uchun Aptis” test sinovi o‘tkazib kelinmoqda.

“O‘qituvchilar uchun Aptis” ingliz tili fani o‘qituvchilariga mo‘ljallangan malaka test sinovi bo‘lib, Britaniya Kengashi bilan hamkorlikda kompyuterda o‘tkaziladi.

Talabgorlarning murojaatlariga asosan mazkur test sinovi 2021-yil 20-aprel kuni Buxoro shahrida ham tashkil etilmoqda.

Test sinovida ishtirok etib, test natijalariga ko‘ra CEFR shkalasi bo‘yicha “C” darajasini qo‘lga kiritgan o‘qituvchilarga asosiy ish haqining 15% yoki 30% miqdorida ustama beriladi.

Test natijalari test o‘tkazilgan vaqtdan boshlab 72 soat ichida talabgorning shaxsiy kabinetida e’lon qilinadi.

Test sinovida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tishlari mumkin.

Murojaat uchun telefon: (95) 515-68-68.

Davlat test markazi matbuot xizmati