2019-yil 21-noyabr kuni Buxoro viloyati Kogon tumani hokimiyati binosi, faollar zalida Davlat test markazi direktori Karimov Madjit Malikovich rahbarligida Markaz faoliyatiga oid masalalar yuzasidan jismoniy va yuridik shaxslarning murojaatlarini shaxsan ko‘rib chiqish bo‘yicha sayyor qabul o‘tkazildi.

Sayyor qabulda 150 dan ziyod abituriyentlar, ota-onalar, o‘quv markazlari o‘qituvchilari, maktablarning direktor va direktor o’rinbosarlari hamda pedagog kadrlar ishtirok etdi.

Tadbir davomida ishtirokchilarga O‘zbekiston Respublikasi Prezidentining 2019-yil 14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-4319-son va Vazirlar Mahkamasining 2019-yil 13-maydagi “Oliy ta’lim muassasalariga o‘qishga qabul qilishda milliy hamda xalqaro baholash tizimlari sertifikatlarini tatbiq qilish chora-tadbirlari to‘g‘risida”gi 395-son qarorlari hamda oliy ta’lim muassasalariga kirish test sinovlaridagi o‘zgarishlar va yangiliklar bo‘yicha atroflicha ma’lumotlar berildi.

 Uchrashuv ochiq muloqot tarzida o‘tkazilib, qatnashchilar o‘zlarini qiziqtirgan savollariga javoblar olishdi.

Davlat test markazi matbuot xizmati