Mámleketlik test orayınıń direktorı Karimov Madjit Malikovich 2021-jıl 3-dekabr kúni aymaqlarda puqaralar, ata-analar, pitkeriwshi klass oqıwshıları menen úshırasıw, mashqalalar hám usınıslardı úyreniw, tarawda ámelge asırılıp atırǵan reformalar hám jańalıqlar menen tanıstırıw maqsetinde Buxara wálayatında bolıp, kóshpeli qabıllawlar ótkerdi.

Kóshpeli qabıllawlar Ózbekstan Respublikası Prezidentiniń Buxara wálayatındaǵı Xalıq qabıllawxanası hám Kogon qalasında “Arabxona” MPJdaǵı Sanaat hám transport kásip-óner mektebinde bolıp ótti. Olarda máhálle wákilleri, pitkeriwshi jaslar, mektep oqıtıwshıları, ata-analar, wálayat xalıq bilimlendiriw basqarmaları, oqıw orınlarınıń basshıları qatnastı.

Kóshpeli qabıllawlar ashıqtan-ashıq sóylesiw tárizinde ótkerilip, múrájatlerdi orınlarda kórip shıǵıw hám sheshiw menen bir qatarda, qatnasıwshılarǵa kiriw test sınaqlarına tiyisli eń sońǵı janalıqlar, test sınaqların ápiwayılastırıw, múmkinshilik hám qolaylıqlar, logikalıq pikirlewge baǵdarlanǵan test tapsırmaların dúziw hám milliy sertifikat sisteması boyınsha alıp barılıp atırǵan jumıslar haqqında  aytıp ótildi.

Sonday-aq, “Jasıl mákan” ulıwma milliy joybar sheńberinde Mámleketlik test orayınıń Buxara wálayatındaǵı bólimi aymaǵında terekler egildi.

Davlat test markazi matbuot xizmati