2021-yil 21-aprel kuni “Chet tilidan xalqaro sertifikatlarga ega bo‘lish ko‘nikmalarini shakllantirish” mavzusida vebinar tashkil etiladi.

Mazkur vebinar Davlat test markazi huzuridagi Ilmiy-o‘quv amaliy markazi tomonidan Xalq ta’limi vazirligi bilan hamkorlikda o‘tkaziladi.

Vebinar Xalq ta’limi vazirligi tasarrufidagi xalq ta’limi boshqarmalari, tuman, shahar xalq ta’limi bo‘limlarining metodik xizmat rahbarlari va chet tili metodistlari uchun tashkil etilayotgan bo‘lib, hududlar kesimida quyidagi vaqtlarda o‘tkaziladi:

• Qoraqalpog‘iston Respublikasi, Xorazm, Buxoro va Navoiy viloyatlari uchun 10:00 dan 11:00 ga qadar;
• Qashqadaryo, Surxondaryo, Samarqand va Jizzax viloyatlari uchun 11:30 dan 12:30 ga qadar;
• Toshkent va Sirdaryo viloyatlari hamda Toshkent shahri uchun 14:30 dan 15:30 ga qadar;
• Farg‘ona, Andijon va Namangan viloyatlari uchun 16:00 dan 17:00 ga qadar.

Xalq ta’limi vazirligi tasarrufidagi barcha xalq ta’limi boshqarmalari, tuman va shahar xalq ta’limi bo‘limlarining metodik xizmat rahbarlari hamda chet tili metodistlarini ushbu vebinarga taklif etamiz.

Davlat test markazi matbuot xizmati