2024-yil 17-yanvar (chorshanba) kuni 16:30 da Bilimni baholash agentligining telegramdagi rasmiy kanali (@BaholashUz) da ovozli chat o‘tkaziladi.

Ovozli chat chet tilini bilish darajasini aniqlash imtihonlari, jumladan, turk tilini bilsh darajasini baholash imtihonlari bo‘yicha bo‘lib o‘tadi.

Unda Bilimni baholash agentligining tegishli boshqarma boshliqlari hamda mutaxassislar ishtirok etadi va savollariga shaxsan javob beradi.

Ovozli chatga turk tilidan mustaqil ekspertlarni taklif etish va yozma ishlardan namunalar ko‘rsatish ham rejalashtirilgan.

Ovozli chat davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin bo‘ladi.