Bugun respublikamizning barcha umumta’lim maktablarida “So‘nggi qo‘ng‘iroq” tadbirlari o‘tkazilmoqda.

Shu munosabat bilan Davlat test markazi direktori o‘rinbosari Radjabov Sardor Baxtiyorovich Olmazor tumanidagi 106-son Zaif eshituvchi bolalar uchun ixtisoslashtirilgan maktab-internatida bo‘lib, “So‘nggi qo‘ng‘iroq” tadbirida ishtirok etdi va bitiruvchilarga oq yo‘l tiladi.

Sardor Baxtiyorovich bitiruvchilarni qutlar ekan, o‘z oldiga yuqori maqsadlar qo‘yish, o‘qish, o‘rganish va izlanishdan to‘xtamaslik hamda o‘z maqsadlari sari dadil harakat qilish lozimligini ta’kidladi.

Shuningdek, ularga oliy ta’lim muassasalariga kirish imtihonlariga yaxshi tayyorgarlik ko‘rib, o‘zlari xohlagan oliy ta’lim muassasasida talaba bo‘lish baxtiga musharraf bo‘lishlarida ulkan muvaffaqiyatlar tiladi.

Davlat test markazi matbuot xizmati