Xalıq aralıq imtixan sistemaların respublikamızda en jaydırıw arqalı jaslarǵa Ózbekstannıń ózinde xalıq aralıq imtixanlardı tapsırıw hám xalıq aralıq sertifikatlarǵa iye bolıw imkaniyatların jaratıw maqsetinde Mámleketlik test orayı xalıq aralıq shólkemler menen birge islesiwdi jolǵa qoyıp kelmekte.

Usınday birge islesiwdiń biri test sorawların dúziw hám test sınaqların ótkeriw boyınsha dúnyada eń iri shólkemlerdiń biri bolǵan AQSh tıń Educational Testing Service (ETS) shólkemi dúzilgen bolıp, Mámleketlik test orayı TOEFL ITP imtixanların shólkemlestiriw hám ótkeriw huqıqın qolǵa kirgizdi.

Mámleketlik test orayı tárepinen TOEFL ITP imtixanları xalıq aralıq kólemde tán alınadı hám imtixannan tabıslı ótken talabanlarǵa ETS shólkeminiń xalıq aralıq sertifikatı beriledi.

TOEFL ITP test sınaqları Mámleketlik test orayı janındaǵı Ilimiy-oqıw ámeliy orayı tárepinen hár ayda Mámleketlik test orayınıń imaratında onlayn túrde ótkeriledi.

Usı test sınaqlarınıń ózine tán tárepi talaban test sınaqları juwmaqlanıwı menen óz nátiyjesin bilip aladı.

Test sınaqlarında qatnasıwdı qálewshi talabanlar usı jıldıń 25-oktyabr kúnine shekem my.dtm.uz saytı arqalı onlayn dizimnen ótip, test sınaqlarında qatnasıwı múmkin.

Test sınaǵı dizimge alıw juwmaqlanǵannan keyin 10 kúnnen soń Mámleketlik test orayında ótkeriledi.

Test sınaǵı ushın tólem bazalıq esaplaw muǵdarınıń 3,5 esesin (945 000 sum) quraydı.

Ózbekstan Respublikası Prezidentiniń 2021-jıl 19-maydaǵı PQ-5117-sanlı qararına tiykarlanıp C1 dárejege sáykes keliwshi TOEFL ITP sertifikatına iye bolǵan oqıw orınlarınıń shet tilleri oqıtıwshılarına olardıń bazalıq tarif stavkasına salıstırǵanda hár ay 50 procent muǵdarında qosımsha ústeme beriledi.

Mámleketlik test orayınıń málimleme xızmeti