Mámleketlik test orayı hám Britaniya Keńesi arasında “Oqıtıwshılar ushın Aptis” test sınaǵın jáne de rawajlandırıw boyınsha ushırasıw bolıp ótti.

Ushırasıwda Shet tilin biliw hám iyelew dárejesin bahalaw basqarmasınıń baslıǵı J.Nurmatov, Mámleketlik test orayı janındaǵı Ilimiy-oqıw hám ámeliy orayınıń baslıǵı A.Baratov, Shet tilin biliw dárejesiniń pedagogikalıq ólshemlerin rawajlandırıw bólimi baslıǵı E.Urayeva, Xalıq aralıq reytingler boyınsha iskerlikti ámelge asırıw bóliminiń bas qánigesi N.Lutfiyev hám de Britaniya Keńesi wákilleri J.Rahimjаnova, A.Maksakov hám A.Sadikov qatnastı.

Jıynalısta “Oqıtıwshılar ushın Aptis” test sınaǵınıń inglis tili oqıtıwshıları arasında en jayılıp atırǵanlıǵı hám respublikamızdıń barlıq aymaqlarında shólkemlestirilip, talabanlar ushın qolaylılıq tuwdırılǵanlıǵı ayrıqsha atap ótildi.

Sonday-aq, test sınaǵına tayarlanıw ushın qosımsha materiallardı jáne de kóbeyttiriw, inglis tili oqıtıwshıları ushın onlayn seminarlar shólkemlestiriw boyınsha pikir almasıldı.

Mámleketlik test orayı xabar xızmeti