Bugun otaxon teatrlarimizdan bo‘lgan Muqimiy nomidagi O‘zbekiston davlat musiqali teatri ijodkorlari Davlat test markazida bo‘lib, xodimlar bilan qiziqarli suhbat qurdilar.

Madaniy-ma’rifiy tadbirga tashrif buyurgan aktyorlar – Iqbol Oshiqov va Muqaddas Mamadaliyeva teatr repertuaridan joy olgan tarixiy, zamonaviy sahna asarlarida rol ijrosi, kino sahnasi va teatr sahnasida ijod qilishning o‘ziga xosliklari, shuningdek, teatr darg‘alarining hayoti va ijodi to‘g‘risida gapirib berdilar hamda ijodlaridan namunalar ijro etdilar.

Erkin, do‘stona va ochiq muloqot shaklida o‘tgan tadbir davomida xodimlar o‘zlarini qiziqtirgan savollariga suhbat va ijro asosida javob oldilar.

Tadbir katta test jarayonlari oldidan xodimlarning madaniy dam olishlariga xizmat qildi.

Davlat test markazi axborot xizmati