2021-jıl 2-dekabr kúni “8-dekabr – Ózbekstan Respublikası Konstituciyası qabıl etilgen kún” hám “9-dekabr – Xalıqaralıq korrupciyaǵa qarsı gúresiw kúni” múnásibeti menen Mámleketlik test orayında ashıq iláj ótkerildi.

Ilajda Ózbekstan Respublikası Korrupciyaǵa qarsı gúresiw agentliginiń juwaplı xızmetkeri Ravshan Yuldashev hám Tashkent mámleketlik yuridik universitetinen yuridik ilimleriniń doktorı, professor Niyozova Salomat Saparovna hám Mámleketlik test orayınıń adminstraciyası hám xızmetkerleri qatnastı.

Ilajdıń “Korrupciya – ráwajlanıwımızǵa tosıq” teması bóliminde tarawǵa tiyisli Ózbekstan Respublikası Nızamları, Ózbekstan Respublikası Prezidentiniń qarar hám pármanlarında belgilengen aktual wazıypalardıń ámelge asırılıw jaǵdayı, isleniwi zárúr bolǵan jumıslar hám olardıń húqıqıy tiykarların jaratıw sıyaqlı global mashqalaǵa qarsı gúresiwdiń ámeliy háreketleri haqqında keń túrde sóz etildi. Sonday-aq, mısallar tiykarında korrupciyanıń belgileri, klassifikaciyası, onıń aldın alıwda eń tiykarǵı qural – bul iskerliktiń tolıq ashıqlıǵı, ashıq-aydınlıq hám ádalattı támiyinlew, bul tarawda birgelikte gúres hár bir puqaranıń minneti ekenligi aytıp ótildi.

Sonıń menen birge, konstituciyamız qabıl etilgenliginiń 29 jıllıǵı hám ullı sáne menen baylanıslı fakt hám dáliyller, siyasıy oy-pikirdiń biybaha úlgisi, Watanımız ǵárezsizligi, tınıshlıǵı hám turaqlılıǵı, xalqımızdıń huqıq hám erkinlikleri, mápleriniń kepilligi hám huqıqıy sana hám mádeniyattı rawajlandırıw sociallıq zárúrlik ekenligi, korrupciyaǵa qarsı gúreste jámiyetshiliktiń roli haqqında bayanat etildi, videorolik hám prezentaciyalar qoyıp berildi.

Ilaj janlı tárizde hám qızǵın soraw-juwaplarǵa bay tárizde ótti.

Mámleketlik test orayınıń málimleme xızmeti