Búgingi kúnde mámleketimiz boylap Konstituciyamız qabıl etilgenligine 30 jıl tolıwı múnásibeti menen ilajlar shólkemlestiriliwi qızǵın túske kirdi.

Usı jıldıń 6-dekabr kúni Mámleketlik test orayında da Ózbekstan Respublikası Konstituciyası qabıl etilgen kún múnásibeti menen sáwbetlesiw keshesi bolıp ótti.

Ilaj dawamında qatnasıwshılarǵa tiykarǵı nızamımızdıń qabıl etilgenine 30 jıl tolıwı, eki márte – 1992-jıl sentabr hám noyabr aylarında ulıwma xalıqlıq talqılawına alıp shıǵılǵanlıǵı, joybarlar talqılawında keń jámiyetshilik, pútkil xalqımız belsendi qatnasıp, mámleketimizdiń rawajlanıw jolı, onıń keleshegine tiyisli kóplegen pikir hám usınıslar bildirilgeni, sonday-aq, Oliy Majlis Nızamshılıq palatası tárepinen “Ózbekstan Respublikası Konstituciyasına ózgerisler hám qosımshalar kiritiw haqqında”ǵı nızam joybarı jariyalanıp, joybarda tiykarǵı nızamnıń 64 statyasına 200 den aslam ózgerisler kiritiw hám de 16 normanı óz ishine alǵan 6 jańa statyanı qosıw usınıs etilip atırǵanı haqqında tolıq maǵlıwmat berildi.

Ilaj juwmaǵında Ózbekstan Respublikası Prezidentiniń 2022-jıl 8-noyabrdegi “Ózbekstan Konstituciyasınıń 30 jıllıǵı” estelik belgisin engiziw haqqında” PP-243-sanlı Pármanına muwapıq tiykarǵı Nızamımızdıń turmısımızdaǵı ornı hám áhmiyetin keń en jaydırıw, jas áwlattı nızamǵa húrmet, Watanǵa mehir hám sadıqlıq ruwxında tárbiyalaw jumıslarına múnasip úles qosıp kiyatırǵan Mámleketlik test orayınıń bir topar xızmetkerleri “Ózbekstan Konstituciyasınıń 30 jıllıǵı” estelik belgisi menen sıylıqlandı.