2022-yil 6-may kuni “Davlat test markazi xodimlarining etik xulq-atvori qoidalari” mavzuida seminar-trening bo‘lib o‘tdi.

Seminar-treningda Nizomiy nomidagi Toshkent davlat pedagogika universiteti qoshidagi Psixologiya o‘quv-ilmiy markazi rahbari Kamilova Nodira Gayratovna rahbarligidagi malakali trenerlar guruhi ishtirok etdilar. Ular tomonidan Davlat test markazi xodimlar uchun “Fuqarolar bilan muloqot va shaxslararo munosabatga kirishishda psixologik madaniyatni rivojlantirish” mavzusida mashg‘ulotlar tashkil etildi.

Psixolog-trenerlar tomonidan o‘tkazilgan guruh mashg‘ulotlarida fuqarolar bilan ishlashda turli stress holatlarini yengib o‘tishning psixologik aspektlari bo‘yicha xodimlarning ko‘nikma, bilim va malakalari oshirildi.

Shuningdek, tadbirda Davlat xizmatchisining odob-axloq qoidalari, xodimning o‘z kasbiy faoliyatini amalga oshirish tamoyillari, majburiyatlari, alohida shartlar, odob-axloq qoidalarini buzganlik uchun javobgarlik, xodimlarning o‘z xizmat vazifalarini bajarishda va ishdan tashqari vaqtlarda ham o‘zi ishlayotgan muassasa obro‘siga putur yetadigan holatlarga yo‘l qo‘ymaslik kabi masalalar batafsil yoritildi.

Davlat test markazi matbuot xizmati