2023-yil 13-may kuni “El-yurt umidi” jamg‘armasining 2023-yilgi 1-stipendiya tanloviga nomzodlarni saralash uchun test sinovlari bo‘lib o‘tdi.

Unda xorijiy davlatlarning nufuzli universitetlari va ilmiy markazlarida bakalavriat, magistratura va doktoranturada ta’lim olish maqsadida hujjat topshirgan 982 nafar talabgor ishtirok etdi.

Test sinovida talabgorlarga 50 ta test topshirig‘i (o‘qish savodxonligi - 20 ta, tahliliy fikrlash - 15 ta, IQ yoki ilmiy maqola yozish - 15 ta) va ularni ishlash uchun 120 daqiqa vaqt berildi.

Test sinovi maxsus ishlab chiqilgan dastur orqali elektron shaklda o‘tkazildi va talabgorlar test sinovi yakunlanishi bilan o‘z natijalarini bilish imkoniyatiga ega bo‘ldi.