2021-jıldıń 1-yarımı dawamında kóshpeli qabıllawlar ótkeriw jobasına muwapıq Mámleketlik test orayı hákimshiligi tárepinen Oray iskerligine tiyisli máseleler boyınsha fizikalıq hám yuridikalıq shaxslardıń múrájatların kórip shıǵıw maqsetinde kóshpeli qabıllawlar shólkemlestiriw dawam etpekte.
Joba sheńberinde 2021-jıl 24, 25-mart kúnleri Mámleketlik test orayı direktorı Karimov Madjit Malikovich basshılıǵında Mámleketlik test orayınıń Ferǵana wálayatındaǵı bólimi xızmetkerleri tárepinen kóshpeli qabıllawlar ótkerildi.
Dáslepki kóshpeli qabıllaw 24-mart kúni Marǵılan qalasındaǵı “Xoja forso” MPJda jaylasqan 10-sanlı ulıwma bilim beriw mektebinde 120 dan artıq oqıwshılar, pán oqıtıwshıları hám de máhálle belsendileri qatnasında bolıp ótti. Bul kóshpeli qabıllaw Marǵılan qalasınıń hákimi A.Ziyovutdinov, Ferǵana wálayatı xalıq bilimlendiriw basqarması baslıq orınbasarı Sh.Dolimov, Marǵılan qalası xalıq bilimlendiriw bólimi baslıǵı orınbasarı F.Madraximov hám de Xalıq deputatları keńesiniń Marǵılan qalası keńesiniń deputatı M.Mirzayevlar menen birgelikte ótkerildi.
Sonday-aq, sol kúnniń ózinde Ózbekstan Respublikası Prezidentiniń Ferǵana wálayatındaǵı Xalıq qabıllawxanası qánigeleri menen birgelikte Ferǵana qalasında jaylasqan Prezident xalıq qabıllawxanasında da kóshpeli qabıllaw shólkemlestirildi.
25-mart kúni Úshkópir rayonındaǵı “Tashkentligúzar” MPJda jaylasqan 18-sanlı ulıwma bilim beriw mektebinde hám “Úshkópir” MPJda jaylasqan Muzıka hám kórkem-óner mektebinde Úshkópir rayonı hákiminiń orınbasarı Sh.Pozilov, Úyshi rayonı xalıq bilimlendiriw bólim meńgeriwshisi D.Ayupova hám de Ferǵana wálayatı xalıq bilimlendiriw basqarması baslıq orınbasarı Sh.Dolimov penen birgelikte ótkerildi. Ond 320 dan artıq puqara – jaslar, pitkeriwshi oqıwshılar, oqıtıwshılar hám ata-analar qatnastı.
Jaslar, pitkeriwshi oqıwshılar, oqıtıwshılar hám ata-analar máhálle belsendileri hám juwapker shaxslar qatnasında bolıp ótken bul ilajlar ashıq pikirlesiw túrinde ótkerildi. Ilaj joqarı bilimlendiriw mekemelerine kiriw test sınqlarına tiyisli eń sońǵı jańalıqlar, kútilip atırǵan ózgerisler, test sınaǵı barısın ápiwayılastırıw, test tapsırıwshılar ushın jáne de keńirek imkaniyat, qolaylılıqlar, shárt-sharayatlar jaratıw, logikalıq pikirlewge baǵdarlanǵan test tapsırmaların qáliplestiriw hám ulıwma bilimlendiriw pánlerinen milliy test sistemasın en jaydırıw, sonday-aq tarawǵa tiyisli qarar hám pármanlardıń mazmun-mánisine arnaldı.
Ilaj dawamında qatnasıwshılar tárepinen berilgen sorawlarǵa tolıp juwaplar berildi.
Mámleketlik test orayı xabar xızmeti
