2019-jıl 16-oktyabr kúni Ferǵana wálayatı Qoshtepa rayonındaǵı 49-sanlı mektepte Mámleketlik test orayı direktorı Karimov Madjit Malikovich basshılıǵında Oray xızmetine baylanıslı máseleler boyınsha kóshpeli qabıllaw ótkerildi.

Kóshpeli qabıllawda 100 den artıq abiturientler, pedagog kardlar hám ata-analar qatnastı.

Ushırasıw ashıq pikir alısıwlar tárizinde ótkerildi. Onda usı jılǵı kiriw test sınawlarındaǵı jańalıqlar hám qolaylılıqlar, sonday-aq, test sorawlarındaǵı ózgerislerge ayrıqsha itibar qaratıldı.

Ózbekstan Respublikası Prezidentinıń 2019-jıl 14-maydaǵı “Joqarı bilimlendiriw mekemelerine test sınawları arqalı qabıllaw sistemasın jetilistiriw boyınsha qosımsha is-ilajlar haqqında”ǵı PQ-4319-san qararında 2020/2021-oqıw jılı qabıllawınan baslap test  sınawı tapsırılatuǵın pánler jıynaǵı eki bólimnen ibarat bolıp, birinshi bólimge barlıq test tapsırıwshılar ushın májbúriy úsh pán – ana tili (ózbek, rus, qaraqalpaq tili), matematika, Ózbekstan tariyxı, ekinshi bólimge abiturient tańlaǵan bakalavriat bilimlendiriw baǵdarına sáykes eki pándi kirgiziw názerde tutılǵanlıǵı, búgingi kúnde joqarıdaǵı usınıs keń jámiyetshilik, ata-analar hám de abiturientler dıqqatına pikir alısılıwlar ushın usınılǵanlıǵı haqqında túsinikler berdi.

Ilajda, túrli sociallıq tarmaqlar arqalı bildirilip atırǵan pikirlerge múnásibet bildirip, qatnasıwshılar tárepinen berilgen sorawlar boyınsha maǵlıwmatlar berildi.

Bunnan tısqarı, Mámleketlik test orayı direktorı qatnasında Marǵılan qalasında shólkemlestirilgen Erkin Vahidov atındaǵı arnawlı mektep-internatı oqıwshıları menen de ushırasıw ótkerildi.

Mámleketlik test orayı xabar xızmeti