2022-yil 4-mart kuni Davlat test markazi mutaxassislari uchun fizika fanidan maxsus xalqaro malaka oshirish kursi boshlandi.

Malaka oshirish kursi Buyuk Britaniyaning  “Cambridge Assessment” tashkilotining ko‘p yillik tajribaga ega mutaxassislari tomonidan o‘tkazilmoqda.

Malaka oshirish kursi quyidagi mavzularni o‘z ichiga oladi:

1. Baholash mezonlari, test topshiriqlarini shakllantirishdagi muhim jihatlar;
2. Test spetsifikatsiyasini shakllantirish;
3. Savollar tuzish va murakkab savollar uchun baholar sxemasi hamda amaliy qobiliyatlarni baholash;
4. Muqobil javobli savollarni yaratish.

Mazkur malaka oshirish kursi Davlat test markazi mutaxassislari va fizika fani ekspertlarining malaka va ko‘nikmalari oshirish, test topshiriqlari sifatini yanada yaxshilash hamda yangi baholash mezonlarini ishlab chiqishga xizmat qiladi.

Davlat test markazi matbuot xizmati