Ózbekstan Respublikası Prezidentiniń “2021-2022-oqıw jılında Ózbekstan Respublikasınıń joqarı bilimlendiriw mákemelerine oqıwǵa qabıllawdıń mámleketlik buyırtpası parametrleri haqqında”ǵı qararına muwapıq:

2021-2022-oqıw jılı qabıllawınan baslap nızamshılıq hújjetlerine muwapıq joqarı bilimlendiriw mákemelerine imtixanlarsız mámleketlik grantı tiykarında oqıwǵa kiriw boyınsha jeńillikke iye bolǵan shaxslar ulıwma qabıllaw parametrlerinen tısqarı qosımsha mámleketlik grantı tiykarında oqıwǵa qabıllanadı.

Házirge shekem:

• Zulfiya atındaǵı Mámleketlik sıylıǵı laureatları;
• “Nihol” sıylıǵınıń iyeleri;
• “Mard oǵlon” mámleketlik sıylıǵınıń iyeleri;
• “Tárbiyashı” kórik-tańlawı jeńimpazları;
• “Miyirbiyke” respublikalıq tańlawı jeńimpazları;
• Ózbekstan jaslar awqamınıń belsendi aǵzaları;
• Xalıqaralıq olimpiadalar jeńimpazları imtixanlarsız ulıwma qabıllaw parametrleri sheńberinde mámleketlik grantı tiykarında oqıwǵa qabıllanatuǵın edi.

Mámleketlik test orayı xabar xızmeti