Ilg‘or xorijiy tajriba va zamonaviy texnologiyalarni o‘rganish hamda amaliyotga tatbiq etish, shuningdek, xalqaro imtihon tizimlarini respublikamizda joriy etish maqsadida Davlat test markazi tomonidan xalqaro tashkilotlar bilan hamkorlik yo‘lga qo‘yilmoqda.

Shunday tashkilotlardan biri AQShning Educational Testing Service (ETS) tashkiloti bo‘lib, ushbu tashkilot 1947-yilda tashkil topgan hamda test savollarini tuzish va uni o‘tkazish bo‘yicha dunyodagi eng yirik tashkilotlardan biri hisoblanadi. U har yili 50 milliondan ziyod talagborlar uchun test sinovlarini tashkil qiladi va o‘tkazadi.

2020-yil 16-iyulda Davlat test markazi va Educational Testing Service (ETS) tashkiloti o‘rtasida TOEFL ITP, TOEIC, TOEFL IBT imtihonlarini hamkorlikda o‘tkazish to‘g‘risida kelishuv imzolangan.

Hozirda ETS tashkiloti tomonidan ingliz tili o‘qituvchilari uchun bir qator vebinarlar yo‘lga qo‘yilmoqda.

Ushbu vebinarlar TOEFL YSS, TOEFL ITP va TOEIC testlari haqida ko‘proq ma’lumot olishga, ularga tayyorgarlik ko‘rishga hamda metodologiya borasida o‘qituvchilarni qo‘llab-quvvatlashga mo‘ljallangan.

Dastlabki vebinar 22-yanvar kuni Toshkent vaqti bilan 16:00 da o‘tkaziladi.

Ro‘yxatdan o‘tish uchun havola: http://workshops2021.etspoland.org/.

Mazkur sahifada vebinar sanalari va boshlanish vaqtlari ham keltirilgan.

Davlat test markazi matbuot xizmati