2022-yil 22-fevral kuni Davlat test markazi qoshidagi Jamoatchilik kengashining navbatdagi yig‘ilishi bo‘lib o‘tdi.

Jamoatchilik kengashi o‘zining mazkur yig‘ilishini Prezidentning 2021-yil 4-martdagi “2021–2025-yillarda fuqarolik jamiyatini rivojlantirish konsepsiyasini tasdiqlash to‘g‘risida” PF-6181-son Farmoni asosida kamida 50 foiz nodavlat tashkilotlar vakillari kiritilgan yangilangan tarkibda o‘tkazdi.

Tadbir kun tartibiga ko‘ra Davlat test markazining 2021-yil faoliyati bo‘yicha hisoboti tinglandi va muhokama qilindi. Shuningdek, Davlat test markazi faoliyatini belgilangan talab va mezonlar asosida baholash masalasi ko‘rib chiqildi.

Yig‘ilish davomida ushbu masalalar bo‘yicha berilgan takliflar va fikr-mulohazalar e’tiborga olinib, tavsiyaviy xarakterdagi muhim qarorlar qabul qilindi hamda kengash a’zolari o‘rtasida keyingi oylarda jamoatchilik bilan uzviy bog‘langan holda ishlash, faoliyatning shaffofligini ta’minlash, Davlat test markazi faoliyatni adolatli baholab borish vazifalari belgilab olindi.

Davlat test markazi matbuot xizmati