Orınlarda puqaralar, ata-analar, pitkeriwshi klass oqıwshıları menen úshırasıw, mashqalalar hám usınıslardı úyreniw, tarawda ámelge asırılıp atırǵan reformalar hám jańalıqlar menen tanıstırıw maqsetinde Mámleketlik test orayınıń direktorı orınbasarı Batirov Sherzod Negmuratovich 2021-jıl 1-dekabr kúni Jizzax hám Sırdarya wálayatlarında kóshpeli qabıllaw ótkerdi.

Kóshpeli qabıllawlar Ózbekstan Respublikası Prezidentiniń wálayatlardaǵı Xalıq qabıllawxanaları, jergilikli hákimliklerde, oqıw orınlarında bolıp ótti hám máhálle wákilleri, pitkeriwshi jaslar, mektep oqıtıwshıları, ata-analar wálayat xalıq bilimlendiriw basqarmaları, oqıw orınlarınıń basshıları qatnastı.

Kóshpeli qabıllawlar ashıq sóylesiw tárizinde ótkerilip, múrájatlerdi kórip shıǵıw hám saplastırıw menen bir qatarda, qatnasıwshılarǵa oqıw oraılarına kiriw test sınaqlarına tiyisli eń sońǵı jańalıqlar, test sınaqların ápiwayılastırıw, múmkinshilik hám qolaylıqlar, logikalıq pikirlewge baǵdarlanǵan test tapsırmaların dúziw hám milliy sertifikat sisteması boyınsha alıp barılıp atırǵan jumıslar haqqında sóz etildi. Sonday-aq, jaslardıń test sınaqlarına puxta tayarlıq kóriwi ushın repeticion (diagnostikalıq) testlerden paydalanıwdıń zárúrligi, normativ-húqıqıy hújjetlerdiń mazmun-mánisi túsindirildi.

Mámleketlik test orayınıń málimleme xızmeti