Sohaga oid muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish maqsadida Bilimni baholash agentligi tomonidan sayyor qabullar tashkil etish davom etmoqda.

Navbatdagi sayyor qabul 2023-yil 17-mart kuni Bilimni baholash agentligi boshqarma boshlig‘i Mirzayev Farxod Isamovich ishtirokida Jizzax viloyatida o‘tkazildi.

Sayyor qabul Jizzax politexnika instituti akademik litseyida tashkil etilib, unda agentlik faoliyatiga tegishli masalalar bilan murojaat qilgan fuqarolar shaxsan qabul qilinib, ko‘tarilgan masalalarni hal qilishga yaqindan yordam berildi.