Jaslar isleri agentligi, Jaslar  awqamı hám de Xalıq bilimlendiriw ministrligi menen birgelikte “Iqtidor” joybarı jolǵa qoyılıp, joybar sheńberinde 2021-jıl 23, 25-aprel kúnleri Jizzax wálayatı, Zamin rayonındaǵı “Zamin” balalar demalıs orayında birinshi “Iqtidor” jaslar forumı ótkerildi.

Forumnıń itibarlı tárepi, onıń respublikamızdaǵı Mehribanlıq úyleri hám SOS balalar qalashalarında bilim alıp atırǵan pitkeriwshiler ushın shólkemlestirilgeni hám kóplep óz tarawınıń jetik qánigeleri tartılǵanı boldı. Joybarda Mehribanlıq úyleri hám SOS balalar qalashalarında bilim alıp atırǵan jaslarınıń jámiyetke sociallıq beyimlesiwi, ǵárezsiz ómirge tayarlaw, joqarı bilim alıwı hám kásip tańlawı, huqıqıy bilimlerin arttırıwda jaqınnan járdemlesiw maqset etilgen.

Forum sheńberinde basqa taraw wákilleri menen bir qatarda, Mámleketlik test orayı wákilleri de qatnasıp, “Bul jılda test sınaqları qalay ótkeriledi?” temasında seminar-trening ótkerildi. Ashıq pikirlesiw túrinde ótken seminar-treningde joqarı bilimlendiriw mekemeleri bakalavriatına kiriw test sınaqlarına baylanıslı sońǵı jańalıqlar hám ózgerisler, bunday taypadaǵı abiturientler ushın engizilgen jeńillikler, imkaniyatlar hám de Mámleketlik test orayı iskerligine tiyisli basqa máseleler boyınsha maǵlıwmatlar berildi.

Ilaj juwmaǵında pitkeriwshiler qatnasında diagnostikalıq test sınaqları da shólkemlestirildi. Diagnostikalıq test sınaqların ótkeriw dawamında forum qatnasıwshıları óz bilimlerin sınaw menen birge, test materialları menen islesiw, test sınaǵın tapsırıw tártibi boyınsha kónlikpege iye boldı.

Ótkerilgen diagnostikalıq test sınaǵı nátiyjeleri Mámleketlik test orayınıń my.dtm.uz saytında járiyalanadı.

Mámleketlik test orayı xabar xızmeti