Sohaga oid muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish bo‘yicha Davlat test markazi tomonidan sayyor qabullar tashkil etish davom etmoqda.

Navbatdagi ana shunday sayyor qabul 2022-yil 23-noyabr kuni O‘zbekiston Respublikasi Vazirlar Mahkamasi huzuridagi Davlat test markazi direktori Karimov Madjit Malikovich ishtirokida Jizzax viloyatida o‘tkazildi.

Mazkur tadbir O‘zbekiston Respublikasi Prezidentining viloyatdagi Xalq qabulxonasida aholi vakillari, yoshlar, maktab bitiruvchilari va ularning ota-onalari uchun tashkil etildi.

Sayyor qabul davomida Davlat test markazi faoliyatiga tegishli masalalar bilan murojaat qilgan fuqarolar shaxsan qabul qilinib, ko‘tarilgan masalalarni hal qilishga yaqindan yordam berildi.

Shuningdek, tadbirda ishtirok etgan fuqarolarga oliy ta’lim olish, malakali va raqobatbardosh kadrlar tayyorlash bo‘yicha amalga oshirilayotgan dolzarb islohotlar samarasi, davlatimiz rahbarining shaxsiy tashabbusi bilan yoshlarning tahsil olishi uchun yaratilayotgan shart-sharoitlar, imkoniyat va imtiyozlar, ularni asoslovchi normativ-huquqiy hujjatlar mazmun-mohiyati, ta’lim sohasida innovatsion g‘oyalarni ro‘yobga chiqarish, yoshlarning bilimga chanqoqligi rag‘batlantirilayotganligi xususida ma’lumotlar taqdim etildi.

Davlat test markazi axborot xizmati