Ma’lumki, 2023-yil 30-aprel kuni Oʻzbekiston Respublikasi Konstitutsiyaviy Qonuni loyihasi boʻyicha referendum bo‘lib o‘tadi.

Shuningdek, 2023-yil 30-apreldan boshlab O‘zbekiston Respublikasining yangi Mehnat kodeksi kuchga kiradi.

Shu sababli 2023-yil 10-aprel kuni Bilimni baholash agentligida Oʻzbekiston Respublikasi Konstitutsiyaviy Qonuni loyihasi va yangi Mehnat kodeksi bo‘yicha davra suhbati tashkil etildi.

Unda Toshkent davlat yuridik universiteti katta o‘qituvchisi Muhammadamin Karimjonov ishtirok etib, ishtirokchilarga Konstitutsiyaviy Qonun loyihasi, uning mazmun-mohiyati, 30-aprelda bo‘lib o‘tadigan referendum va yangi Mehnat kodeksi bo‘yicha ma’lumot berdi.

Erkin, do‘stona va ochiq muloqot shaklida o‘tgan tadbir davomida xodimlar o‘zlarini qiziqtirgan savollarga huquqiy asoslangan javob oldi.