2020-jıl 7-dekabr kúni Mámleketlik test orayında “Korrupciyasız taraw” temasında ashıq pikirlesiw shólkemlestirildi.

Ashıq pikirlesiw Ózbekstan Respublikası Konstituciyasınıń 28 jıllıǵı hám Xalıqaralıq korrupciyaǵa qarsı gúresiw kúnine arnaldı.  

Ilajda Ózbekstan Respublikası Korrupciyaǵa qarsı gúresiw agentligi, Ózbekstan Respublikası Bas prokuraturası hám Ózbekstan Respublikası Bas prokuraturası akademiyası wákilleri óz bayanatları menen qatnastı.

Ilajdı ashıp bergen Mámleketlik test orayı direktorı orınbasarı Sardor Radjabov bársheni Ózbekstan Respublikası Konstituciyası qabıl etilgenliginiń 28 jıllıǵı menen qutlıqlap, Mámleketlik test orayında korrupciyaǵa qarsı gúresiw hám onıń aldın alıw boyınsha alıp barılıp atırǵan jumıslar haqqında maǵlıwmat berdi.

Sózge shıǵıp sóylewshilerden Ózbekstan Respublikası Bas prokuraturası wákili Tursunmetov Murodilla Maxmudjanovich bilimlendiriw sistemasında ushırasıp atırǵan korrupciyalıq jaǵdaylar hám olardıń aldın alıw boyınsha ámelge asırılıp atırǵan jumıslar haqqında toqtalıp ótti.

Korrupsiyaǵa qarsı gúresiw agentligi wákili Mamanov Sardorjon Sobirjonovich bolsa “Ózbekstan Respublikası Korrupciyaǵa qarsı gúresiw agentligi xızmeti” hám “Ózbekstanda korrupciyaǵa komlayens qadaǵalaw (Compliance control) sistemasın járiyalaw máseleleri” temalarında prezentaciya jasadı.

Ózbekstan Respublikası Bas prokuraturası akademiyası wákili Xudoyberdi Tursunmetov korrupciyanıń mámleketke hám jámiyetke tásiri, korrupciyanıń aldın alıw sharaları haqqında pikir bildirdi.

Ilaj sońında Mámleketlik test orayında Korrupciyaǵa qarsı gúresiw agentligi tárepinen komlayens qadaǵalaw (Compliance control) sisteması boyınsha óz ara birge islesiwge kelisip alındı.

Mámleketlik test orayı xabar xızmeti