2023-yil 30-noyabr kuni Bilimni baholash agentligida 102-son kar va zaif eshituvchi bolalar uchun ixtisoslashgan maxsus maktab internati bitiruvchilari uchun “Ochiq eshiklar kuni” tashkil etildi.

Tadbir Bilimni baholash agentligi boshqarma boshlig‘i A.Xayitovning kirish so‘zi bilan ochildi va ishtirokchilarga tadbir dasturi tanishtirildi.

Dastlab o‘quvchilarga Bilimni baholash agentligi faoliyati, oliy ta’lim muassasalariga kirish test sinovlariga oid eng so‘nggi yangiliklar va kutilayotgan o‘zgarishlar bo‘yicha ma’lumotlar berildi.

So‘ngra dasturga muvofiq bitiruvchi yoshlar chet tilini bilish darajasini baholash boshqarmasi faoliyati bilan yaqindan tanishtirildi hamda test topshiriqlarini shakllantirish, test materiallarini chop etish, manzillari bo‘yicha jo‘natish, qabul qilish, test natijalarini hisoblash jarayonlarini o‘z ko‘zlari bilan ko‘rib, jarayon haqida to‘liq tasavvurga ega bo‘ldilar.

Bilimni baholash agentligi faoliyati ishtirokchilarda katta qiziqish uyg‘otdi. Tadbir davomida ishtirokchilarni qiziqtirgan barcha savollarga amaldagi jarayonlar ko‘rsatilgan holda batafsil javob berildi.