2019 yilning 23 fevral kuni  O‘zbekiston Prezidenti huzuridagi Axborot va ommaviy kommunikatsiyalar agentligida Davlat test markazi tomonidan barcha turdagi ommaviy axborot vositalari uchun rejadan tashqari matbuot anjumani o‘tkazildi.

Anjuman asosan 2019 yilning 15 fevral kuni jamoatchilik muhokamasiga taqdim etish uchun regulation.gov.uz.ga joylashtirilgan “Oliy ta'lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi qaror loyihasining sharhiga bag‘ishlandi. 

Unda Davlat test markazi rahbari, o‘rinbosari, boshqarma boshliqlari, axborot xizmati va barcha turdagi ommaviy axborot vositalari vakillari ishtirok etdi.

Matbuot anjumanida DTM rahbari tomonidan Prezidentimizning Oliy Majlis deputatlariga qilgan Murojaatnomalarida qayd etilgan va “2017 – 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha harakatlar strategiyasini «Faol investitsiyalar va ijtimoiy rivojlanish yili»da amalga oshirishga oid Davlat dasturida o‘z aksini topgan o‘zgarishlarga asosan ishlab chiqilganligi, mazkur qaror loyihasiga kiritilgan o‘zgarish va yangiliklar (takliflar) va ularning amalga oshirilishida amalga oshiriladigan ishlar to‘g‘risida keng axborot berildi. 

Tadbir loyihaga kiritilgan takliflar, muhokama davrida jamoatchilik tomonidan bildirilgan fikr-mulohazalar yuzasidan qizg‘in savol-javob tarzida o‘tdi.

Axborot xizmati