O‘zbekiston Respublikasi Prezidenti Sh.M.Mirziyoyev rahbarligida 2020-yil 31-yanvar kuni ilm-fanni rivojlantirishga bag‘ishlab o‘tkazilgan yig‘ilish hamda geologiya sohasidagi ilmiy-tadqiqot muassasalariga tashrif davomida berilgan topshiriqlari yuzasidan 2020-yil 14-fevral kuni Davlat test markazida yig‘ilish bo‘lib o‘tdi.

Unda Davlat test markazi, O‘zbekiston Respublikasi Fanlar akademiyasi Matematika instituti, Innovatsion rivojlanish vazirligi, Xalq ta’limi vazirligi hamda Oliy va o‘rta maxsus ta’lim vazirligi mutaxassislari ishtirok etdi.

Yig‘ilishda matematika fanidan bilimlarni baholash bo‘yicha milliy sertifikatlashtirish tizimini joriy etish masalasi muhokama qilindi.

Yig‘ilish davomida Matematika instituti, Innovatsion rivojlanish vazirligi, Xalq ta’limi vazirligi hamda O‘zbekiston milliy universiteti mutaxassislarining matematika fanidan bilimlarni baholash bo‘yicha milliy sertifikatlashtirish tizimini joriy etish masalasi yuzasidan takliflari eshitildi.

Yig‘ilish yakunida mazkur masalani davriy ravishda muhokama etib borishga kelishib olindi.

Davlat test markazining matbuot xizmati