2021-yil 7-may kuni Buxoro viloyatida umumiy o‘rta ta’lim maktablari, akademik litseylar hamda kasb-hunar maktablarining o‘quvchilari o‘rtasida Fan olimpiadasining IV (respublika) bosqichi doirasida test sinovi qismi o‘tkazildi.

Unda matematika, kimyo va biologiya fanlaridan 101 nafar talabgor ishtirok etib, g‘oliblik uchun kurash olib bordi.

Talabgorlarga 30 ta test topshirig‘i va test topshiriqlarini bajarish uchun 1 soat-u 30 daqiqa vaqt ajratildi.

Test topshiriqlari 20 ta yopiq va 10 ta ochiq testlardan iborat bo‘lib, yopiq testlarning har biriga 1,5 balldan, ochiq testlarga esa 2 balldan beriladi. Umumiy to‘plash mumkin bo‘lgan ball 50 ballni tashkil etadi.

Qolgan umumta’lim fanlaridan Fan olimpiadasining IV (respublika) bosqichi may oyi yakuniga qadar Navoiy, Namangan va Samarqand viloyatlari hamda Toshkent shahrida o‘tkaziladi.

Ma’lumot uchun, asosiy fan olimpiadalarining respublika bosqichida 1-3-o‘rinni egallagan ishtirokchilarga ixtisoslik fani bo‘yicha davlat oliy ta’lim muassasalariga kirish imtihonlarida maksimal ball beriladi.

Davlat test markazi matbuot xizmati