2020-yil 3-dekabr kuni Olmazor tumanidagi 106-son Zaif eshituvchi bolalar uchun ixtisoslashtirilgan maktab-internatida “Xalqaro nogironlar kuni”ga bag‘ishlab, “Mehrga oshno qalblar” shiori ostida bayram tadbiri o‘tkazildi.

Unda Mudofaa vazirligi, Olmazor tuman hokimiyati va “Vaqf” xayriya jamoat fondi Toshkent shahar filiali vakillari, Toshkent shahar bosh-imom xatibi o‘rinbosari Sirojiddin domla hamda Davlat test markazi direktori o‘rinbosari S.Radjabov ishtirok etdi.

Tadbir maktab-internati o‘quvchilarining sahna ko‘rinishlari, Mudofaa vazirligi Toifalangan obyektlarni qo‘riqlash qo‘mondonligining chiqishlari bilan ko‘tarinki ruhda o‘tdi.

Mudofaa vazirligi Toifalangan obyektlarni qo‘riqlash qo‘mondonligi orkestri va taniqli xonanda Hoji Akbarning jonli ijrolari esa o‘quvchilarga bir olam quvonch ulashdi.

Davlat test markazi matbuot xizmati