2022-yil 20-oktabr kuni Davlat test markazining bir guruh xodimlari O‘zbek tili bayrami arafasida A.Qodiriyning uy muzeyi va Adiblar xiyobonida bo‘ldilar.

Ulug‘ yozuvchi va ona tilimiz jonkuyari Abdulla Qodiriy uy muzeyida boy tarixga ega, otash qalb adibimizning jo‘shqin hayoti, ro‘zg‘ori, shuningdek, so‘nggi kunlariga oid mungli voqealardan so‘zlovchi eksponatlar tashrif buyurganlarning ko‘nglida chuqur iz qoldirdi.

Uy muzeyidan katta va boy taassurot bilan chiqqan xodimlarimiz tashrifini Adiblar xiyobonida davom ettirdilar. U yerda milliy adabiyotimiz darg‘alari yodga olindi, xotirlandi hamda ularning hayoti va ijodi haqida bilimlarini boyitgan xodimlar chuqur taassurot bilan qaytdilar.

Davlat test markazi axborot xizmati