Davlat test markazi direktori o‘rinbosari Radjabov Sardor Baxtiyorovich 2021-yil 2-dekabr kuni hududlarda fuqarolar, ota-onalar, bitiruvchi sinf o‘quvchilari bilan uchrashish, muammolar va takliflarni joyida o‘rganish, sohada amalga oshirilayotgan islohotlar va yangiliklar bilan tanishtirish maqsadida Samarqand viloyatida bo‘lib, sayyor qabullar o‘tkazdi.

Sayyor qabullar O‘zbekiston Respublikasi Prezidentining Samarqand viloyatidagi  xalq qabulxonasi, Samarqand shahridagi 9-ixtisoslashtirilgan davlat umumta’lim maktabi va Samarqand tumani “Oqmachit” MFYdagi 21-umumta’lim maktabida bo‘lib o‘tdi. Ularda mahalla vakillari, bitiruvchi yoshlar, maktab o‘qituvchilari, ota-onalar, viloyat xalq ta’limi boshqarmalari, ta’lim muassasalari rahbarlari ishtirok etdilar.

Tadbirlar odatdagi kabi, ochiq muloqot tarzida o‘tkazilib, murojaatlar joyida ko‘rib chiqildi. Shuningdek, ishtirokchilar kirish test sinovlariga oid barcha yangilik va o‘zgarishlardan boxabar qilindi.

Test sinovlariga puxta va sifatli tayyorgarlik ko‘rishi uchun yaratilgan shart-sharoitlar tushuntirildi.

Davlat test markazi matbuot xizmati