2022-yil 11-fevral kuni Davlat test markazida she’riyat mulkining sultoni Alisher Navoiy tavalludining 581 yilligi hamda shoh va ulug‘ shoir Zahiriddin Muhammad Bobur tavalludining 539 yilligi munosabati bilan adabiy uchrashuv bo‘lib o‘tdi.

Ulug‘ bobokalonlarimizning xalqaro va milliy adabiy hayotda tutgan o‘rni, o‘zbek tilining rivojiga qo‘shgan hissalari yod etilgan ushbu tadbirda adabiyotshunos olim Abdulla Ulug‘ov va shoir Axtamquli hamda Davlat test markazi xodimlari ishtirok etdilar.

Uchrashuvda nafaqat o‘z zamonasi, balki kelajakka muallimlik, ustozlik qilgan buyuk va zabardast bobolarimizning ijodidan namunalar o‘qildi va ularning hayotlariga oid qiziqarli, ulkan tarixiy ahamiyatga ega voqeliklar esga olindi.

Adabiy uchrashuv barcha ishtirokchilar uchun ajoyib va iliq muhitda hamda taassurotlarga, qiziqarli savol-javoblarga boy o‘tdi.

Davlat test markazi matbuot xizmati