Ko‘plab talabgorlarning murojaatlariga asosan “O‘qituvchilar uchun Aptis” test sinovi Buxoro va Nukus shaharlarida ham tashkil etiladi.

Bunda test sinovlari Buxoro shahrida 16-noyabr kuni, Nukus shahrida esa 30-noyabr kuni o‘tkaziladi.

Test sinovida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tib, to‘lovni amalga oshirishlari mumkin.

Ro‘yxatga olish Buxoro shahri uchun 14-noyabrga qadar, Nukus shahri uchun esa 26-noyabrga qadar davom etadi.

Shuningdek, oktabr va noyabr oylarida Jizzax, Termiz, Navoiy, Andijon va Toshkent shaharlarida ham “O‘qituvchilar uchun Aptis” test sinovi o‘tkaziladi:

• Jizzax shahri - 27-oktabr;
• Termiz shahri - 11-noyabr;
• Navoiy shahri - 18-noyabr;
• Andijon shahri - 24-noyabr;
• Toshkent shahri - 26-noyabr.

Davlat test markazi matbuot xizmati