Ma’lumki, Davlat test markazi huzuridagi Ilmiy-o‘quv amaliy markazi tomonidan Britaniya Kengashi (British Council) bilan hamkorlikda “O‘qituvchilar uchun Aptis” test sinovi o‘tkazib kelinmoqda.

Test sinovlari kompyuterda o‘tkazilmoqda va natijalar test o‘tkazilgan vaqtdan boshlab 72 soat ichida talabgorning shaxsiy kabinetida e’lon qilinmoqda.

Bunda talabgorlarning test sinovida belgilagan javoblari Britaniya Kengashining “Global British Council” baholash guruhi tomonidan baholanmoqda.

“O‘qituvchilar uchun Aptis” test sinovini may oyida Guliston, Andijon, Farg‘ona, Buxoro, Jizzax, Toshkent, Samarqand va Urganch shaharlarida o‘tkazish rejalashtirilgan.

Test sinovida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tib, to‘lovni amalga oshirgan holda test sinovida ishtirok etishlari mumkin.

Davlat test markazi matbuot xizmati