“Oqıtıwshılar ushın Aptis” Mámleketlik test orayı tárepinen Britaniya Keńesi (British Council) menen birgelikte ótkeriletuǵın, inglis tili páni oqıtıwshılarına mólsherlengen kvalifikaciya test sınaǵı bolıp esaplanadı.

Test sınaǵı kompyuterde ótkeriledi hám nátiyjeler test ótkerilgen waqıttan baslap 72 saat ishinde talabannıń jeke kabinetinde daǵazalanadı.

Talabanlardıń test sınaǵında belgilegen juwapları Britaniya Keńesiniń “Global British Council” bahalaw toparı tárepinen bahalanadı.

Test sınaǵında qatnasıw ushın tólem bazalıq esaplaw muǵdarınıń 2,5 esesin (675 000 som) quraydı.

“Oqıtıwshılar ushın Aptis” test sınaǵında C dárejege iye bolǵan oqıw orınlarınıń shet tiller oqıtıwshılarına olardıń bazalıq tarif stavkasına salıstırǵanda hár aylıq 50 procent muǵdarında qosımsha ústeme haqı tólenedi.

Mámleketlik test orayınıń málimleme xızmeti