Ko‘plab talabgorlarning murojaatlariga asosan “O‘qituvchilar uchun Aptis” test sinovi Jizzax va Termiz shaharlarida ham tashkil etiladi.

Bunda test sinovlari Jizzax shahrida 27-oktabr kuni, Termiz shahrida esa 11-noyabr kuni o‘tkaziladi.

Test sinovida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tib, to‘lovni amalga oshirishlari mumkin.

Ro‘yxatga olish Jizzax shahri uchun 25-oktabrga qadar, Termiz shahri uchun esa 8-noyabrga qadar davom etadi.

Shuningdek, 20-oktabr kuni Toshkent shahrida o‘tkaziladigan test sinovi uchun 18-oktabrga qadar onlayn ro‘yxatdan o‘tish mumkin.

Davlat test markazi matbuot xizmati