2020-yil 3-noyabr kuni “O‘qituvchilar uchun Aptis” test sinovining dastlabkisi bo‘lib o‘tgan edi.

Bugun, 6-noyabr kuni test sinovi natijalari e’lon qilindi.

Test sinovlarida ishtirok etgan o‘qituvchilar o‘z natijalari bilan shaxsiy kabinetlari orqali tanishishlari mumkin.

Test natijalariga ko‘ra C darajaga erishgan o‘qituvchilar ma’lumotnomalarini Toshkent shahrida Davlat test markazi binosidan 11-noyabrdan boshlab, Qoraqalpog‘iston Respublikasi va viloyatlarda Davlat test markazining hududiy bo‘limlaridan 13-noyabrdan boshlab olishlari mumkin.

Eslatib o‘tamiz, ma’lumotnoma olish uchun talabgorning o‘zi shaxsini tasdiqlovchi hujjat bilan kelishi talab etiladi.

Davlat test markazi matbuot xizmati