Tashkent qalasında shólkemlestirilip atırǵan “Oqıtıwshılar ushın Aptis” test sınaǵına oqıtıwshılardı onlayn dizimge alıw 18-aprelge shekem dawam etiwi, test sınaǵı bolsa 22-aprel kúni ótkeriliwi jobalastırılǵan edi.

Puqaralardıń múrájatlarına tiykarlanıp, “Oqıtıwshılar ushın Aptis” test sınaǵı ushın onlayn dizimnen ótiw 23-aprelge shekem uzayttırıldı. Test sınaǵın bolsa 26-aprel kúni ótkeriw belgilendi.

Bunda belgilengen tártipte dizimnen ótip, tólemdi ámelge asırǵan talabanlar 26-aprel kúni 09:00 de shaxsın tastıyıqlawshı hújjet – pasport penen Mámleketlik test orayına keliwi kerek.

Test sınaǵında qatnasıwdı qálewshi talabanlar 23-aprelge shekem (23-aprel kúni de) my.dtm.uz saytı arqalı onlayn dizimnen ótip, tólemdi ámelge asırıwına boladı.

Maǵlıwmat ushın, test sınaǵında qatnasıp, test nátiyjelerine qaray CEFR shkalası boyınsha “C” dárejesin qolǵa kirgizgen oqıtıwshılarǵa tiykarǵı is haqısınıń 15% yáki 30% muǵdarında ústeme beriledi.

Múrájat ushın telefon: (95) 515-68-68.

Mámleketlik test orayı xabar xızmeti