Toshkent shahrida tashkil etilayotgan “O‘qituvchilar uchun Aptis” test sinoviga o‘qituvchilarni onlayn ro‘yxatga olish 18-aprelga qadar davom etishi, test sinovi esa 22-aprel kuni o‘tkazilishi rejalashtirilgan edi.

Fuqarolarning murojaatlariga asosan, “O‘qituvchilar uchun Aptis” test sinovi uchun onlayn ro‘yxatdan o‘tish 23-aprelga qadar uzaytirildi. Test sinovini esa 26-aprel kuni o‘tkazish belgilandi.

Bunda belgilangan tartibda ro‘yxatdan o‘tib, to‘lovni amalga oshirgan talabgorlar 26-aprel kuni 09:00 da shaxsini tasdiqlovchi hujjat - pasport bilan Davlat test markaziga kelishlari lozim.

Test sinovida ishtirok etish istagini bildirgan talabgorlar 23-aprelga qadar (23-aprel kuni ham) my.dtm.uz sayti orqali onlayn ro‘yxatdan o‘tib, to‘lovni amalga oshirishlari mumkin.

Ma’lumot uchun, test sinovida ishtirok etib, test natijalariga ko‘ra CEFR shkalasi bo‘yicha “C” darajasini qo‘lga kiritgan o‘qituvchilarga asosiy ish haqining 15% yoki 30% miqdorida ustama beriladi.

Murojaat uchun telefon: (95) 515-68-68.

Davlat test markazi matbuot xizmati