Ma’lumki, Davlat test markazi huzuridagi Ilmiy-o‘quv amaliy markazi tomonidan barcha hududlarda “O‘qituvchilar uchun Aptis” test sinovlari tashkil etilib, o‘tkazib kelinmoqda.

Ulardan biri 22-dekabr kuni Toshkent shahrida o‘tkazilishi rejalashtirilgan bo‘lib, talabgorlarning soni ko‘payib ketganligi sababli mazkur sanada o‘tkaziladigan test sinovi uchun talabgorlarni ro‘yxatga olish yakunlandi.

Toshkent shahrida test sinovida ishtirok etish istagini bildirgan talabgorlar uchun keyingi test sinovi 2022-yil 18-yanvar kuni tashkil etiladi.

Shuningdek, talabgorlar quyidagi muddatlarda o‘zlariga qulay bo‘lgan hududda test sinovida ishtirok etishlari mumkin:

• Namangan shahri – 2021-yil 20-dekabr;
• Buxoro shahri – 2021-yil 24-dekabr;
• Zarafshon shahri (Navoiy v.) – 2021-yil 27-dekabr;
• Qarshi shahri – 2021-yil 28-dekabr;
• Termiz shahri – 2022-yil 6-yanvar;
• Nukus shahri – 2022-yil 10-yanvar;
• Farg‘ona shahri – 2022-yil 14-yanvar.

Test sinovida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tishlari mumkin.

Davlat test markazi matbuot xizmati